أسئلة شائعة

كود نسك هو كود الدعوة (الإحالة) بتاع كل مشترك في تحدي نسك جوه تطبيق نسك. بيبدأ بـ NG- وبعده 8 حروف وأرقام إنجليزي. لما تلصق كود حد تاني، انت وهو بتاخدوا مفتاح زيادة في المسابقة.

دوس «هات كود» هنا، وبعدين «انسخ وافتح نُسُك». في رئيسية نسك دوس «ابدأ التحدي» لو البانر ظاهر، أو افتح القائمة وانزل لـ«المسابقات والتحديات» وادخل مركز المسابقات ودوس «العب الآن!». بعدها دوس «المفاتيح» في الشريط اللي تحت، والصق الكود، ودوس «تحقق من الرمز».

تطبيق نسك بيديك مفتاح ببلاش كل يوم، والمفاتيح بتترحل لليوم اللي بعده. وكل مشاركة ناجحة مع حد تاني بتديك مفتاح وبتديه هو مفتاح، عشان كده كل كود بتلصقه بيجيبلك مفتاح زيادة.

مسابقة ببلاش بالكامل جوه تطبيق نسك من 1 نوفمبر لحد 20 ديسمبر 2026. بتستخدم المفاتيح عشان تجاوب على الأسئلة، وكل إجابة صح بتدخلك السحب. تقدر تشارك لو عندك 18 سنة أو أكتر، من أي جنسية، إلا لو قانون بلدك بيمنعها.

كل يوم فيه فايز بعمرة ليه ولمرافق يختاره، شاملة التأشيرة وتذاكر السفر و10 ليالي في مكة والمدينة والمواصلات، يعني 50 فايز و50 مرافق طول المسابقة. وفيه كمان فايزين بـ20 كرتونة ماء زمزم يقدروا يهادوا بيها أي حد، بس التوصيل جوه السعودية بس. الجايزة مش بتتحوّل لحد تاني ولا بتتصرف فلوس.

السحب بيتعمل مرة واحدة في اليوم بشكل عشوائي، والفايز بيتعلن على حسابات نسك الرسمية @MyNusuk وفي صفحة «الفائزون» جوه التطبيق. لو جاوبت صح بعد سحب اليوم، إجابتك بتدخل السحب اللي بعده. كل واحد يكسب مرة واحدة بس، ولازم إيميلك يكون صح، لأن لو ماقدروش يوصلولك خلال 30 يوم بتخسر الجايزة.

«تم استخدام الرمز سابقاً» معناها إنك دخلت الكود ده قبل كده، غالبًا من موقع تاني أو متصفح تاني، فخد كود تاني. «الرمز المدخل غير صحيح» معناها إن الكود اتقفل أو فيه غلط. قولنا تحت الكود إنه ما اشتغلش، ولو ناس كتير قالوا كده بنوقّفه للكل.

لا. الأكواد اللي خدتها بتتحفظ في متصفحك، فالموقع مش بيديك نفس الكود تاني. عشان كده افتح الموقع دايمًا من نفس المتصفح.

دوس «ضيف كودك» في آخر الصفحة، والصق كودك. بيتضاف لكل الناس، وكل ما حد يستخدمه بتاخد مفتاح زيادة.

لو المشكلة جوه تطبيق نسك، زي تسجيل الدخول أو رسالة خطأ، كلّم الدعم الفني بتاع نسك على 920002814. ولو المشكلة في موقعنا، دوس «اكتبلنا رأيك» واختار «مشكلة» وابعتهالنا.

لا. ده موقع مستقل ببلاش عمله عبدالرحمن تنيرة، ومش تابع لتطبيق نسك ولا لوزارة الحج والعمرة. الأكواد بيشاركها الناس، ونسك هي اللي بتحدد المسابقة وجوايزها.

📷 الشرح بالصور قريبًا

الأسئلة بتطلع بنفس لغة تطبيق نسك. خلّي التطبيق عربي، والأسئلة هتطلع عربي:

1. دوس «⁨Menu⁩» في الشريط اللي فوق.
2. انزل لحد «⁨Manage settings⁩» ودوس «⁨Language⁩».
3. اختار «العربية».
4. دوس «⁨Confirm selection⁩».
5. التطبيق كله هيبقى عربي، وأسئلة التحدي كمان.

لو لسه مش مظبوط:

• «العربية» أول اختيار في قائمة اللغات، اطلع لفوق لو مش شايفها.
• اقفل تطبيق نسك خالص وافتحه تاني.
• حدّث تطبيق نسك لآخر نسخة من جوجل بلاي أو آب ستور.

فيه طريقتين توصل بيهم للمسابقة:

1. لو بانر «100 رحلة عمرة» ظاهر في رئيسية نسك، دوس «ابدأ التحدي».
2. لو مش ظاهر: دوس «القائمة»، وانزل لتحت لحد «المسابقات والتحديات»، وادخل «مركز المسابقات» ودوس «العب الآن!».
3. دوس «المفاتيح» في الشريط اللي تحت، وهتلاقي خانة الكود.

تطبيق نسك مش بيسمح لأي موقع يفتح خانة الكود أو يملاها لوحده. الكود بيتنسخ، وانت تلصقه:

1. دوس «انسخ الكود» من الموقع.
2. افتح نسك بنفسك وروح لـ«المفاتيح».
3. دوس مطوّل على الخانة واختار «لصق»، وبعدين «تحقق من الرمز».

المفتاح مش بييجي من مشاركة اللينك. بييجي لما تلصق كود حد ويتقبل، أو لما حد يلصق كودك.

1. خد كود من الموقع والصقه في خانة المفاتيح، فتاخد انت وصاحب الكود مفتاح.
2. ضيف كودك على الموقع من «ضيف كودك»، فكل اللي يستخدمه يجيبلك مفتاح.

1. انسخ كودك أو رسالة المشاركة كلها من تطبيق نسك.
2. في الموقع دوس «ضيف كودك».
3. الصق، والموقع بيطلّع الكود من الرسالة لوحده.

➕ ضيف كودك

على الأندرويد: كرة أكواد نسك بتقعد فوق تطبيق نسك، ودوسة واحدة تنسخ كود جديد.

على الآيفون: «طقطق»، تخبط مرتين على ضهر الموبايل والكود يتنسخ.

كرة الأكواد للأندرويدطقطق للآيفون

أيوه، بس تطبيق نسك على الموبايل. الأسهل تفتح الموقع من الموبايل نفسه، فتنسخ الكود وتلصقه على طول.

📷 الشرح بالصور قريبًا

الحلول بالصور في دليل الكرة، من التحميل لحد تشغيلها. ولو ما نفعتش، ابعتلنا من صفحة المساعدة وهنرد عليك على إيميلك.

📄 دليل الكرة بالصور🛟 مساعدة الكرة

في الإيميل اللي وصلك من Gumroad مع التطبيق. لو ضاع، ادخل app.gumroad.com/library بنفس الإيميل وهتلاقيه هناك. التطبيق بيطلبه مرة واحدة بس.

مجانية. دوس «خدها مجاني» في صفحة الكرة. ولو حابب تساعدنا نكمّل، دوس «إشترك شاركني الأجر».

كرة الأكواد للأندرويد

في صفحة طقطق دوس «خدها مجاني»، وفي آخر الخطوات هتلاقي «ماشتغلش معاك؟». اكتب اللي حصل وإيميلك، وهنرد عليك ونساعدك.

طقطق للآيفون